Pag usapan naman natin ang DOUBLE STANDARD dito sa atin. Ang sinasabi ko
ay ang sistema dito ng hustisya. Kapag ikaw ang biktima at mayaman ka,
mabilis pa sa alas kwatro, may task force at special committee na buuuin
ang gobyerno para sayo. At kung mahirap ka, maghintay ka kung may
libreng husgado at abogado na hahawak sa kaso mo. Wait for a moment --
mga 10 years. Tulad sa Maguindanao case, umabot pa ng 3 days bago
maposasan ang prime suspect na si Mayor Andal Ampatuan. Swabe.
At kung ikaw ay suspect sa isang krimen, may kasalanan ka man o wala, agad kang ikukulong at maghihintay kung kailan ang hearing mo. At kung mayaman ka, yung selda mo may colored TV. Dala-dalawa pa ang abogado mo. At kapag nagkasakit ka, at kung mahirap ka, bahala ka sa buhay mo, mamamatay ka sa likod ng rehas. Kung mayaman ka, matusok ka lang ng fishbone, itatakbo ka agad sa clinic. Hihilingin pa ng abogado mo na ilipat ka ng selda. Yung may aircon. Swabe.
PHILIPPINES -- hango sa pangalan ng hari ng mananakop na Espanya. Haring PHILIP. Pangalan pa lang alipin na. Ok lang naman na yun ang ngalan ng bansa natin pero ang masakit, pinapatunayan pa natin ito. Alipin ka Pilipino. Alipin ng sarili mong pag unawa. Sarado at walang laya.
Masakit man pero yan ang katotohanan. Alam natin ang totoo pero wala tayong ginagawa para baguhin ito. Ito ang sakit nating mga Pilipino na kailanman wala nang lunas. May mata naman tayo pero bulag tayo.
